الخیل و اللیل و البیداء تعرفنی*****و السیف و الرمح و القرطاس و القلم
نبط(غزل)
۱۳٩٤/۱٠/٢۸ ساعت ٤:۳٢ ‎ق.ظ | نوشته ‌شده به دست | ( نظرات )

 

تعلم

 

 

و الله تعــلم یـا ولـف کـم انا اغـلیک

میر بخـفوگک حگـد عامی عیونـک

 

مهفی غلاک و دوم یا زین شاریک

إن خانتک حتی الهواجس مخونک

 

یا هیهـ گلبی لـو تـمر بَه مطـاریـک

إن نـاداه ودَّک لَبَّـه گـلـبـی یعونک

 

لـبـیـه گـلـبٍ داعـبـتـه دعـــاویــک

یـا کـره وجـهٍ اضـحکـته شـجونک

 

سبحـان ربـی کـم بـقی فی معانیک

قوس الحواجب والنشب فی جفونک

 

ول یا عذول التسعی للذل مساعیک

یـارخوم داعـی ربـنــا لــا یـصونک

 

یا الله یا مغطی البشر من معاطیک

وصـیـه یـعـطی مـا بـغو لو یجونک

 

یا سعود صحصح لا یأس بنا الدیک

زهـب الخوادی الجاسره ثم معونک

 

گم خلنه نسری لا تناشد و مادریک

جایز نلحگ بـالسـروا لـو بدونـک؟

 

 حتی اناغی صویحبی خیی انا بغیک

کلک علی بعضک صحاک وجنونک

 

 

لفته الحیی قاسم الحموداوی

14/1/94

الجمعه


برچسب‌ها: نبط

 
۱۳٩٤/۱٠/۱ ساعت ۱٠:٠۸ ‎ب.ظ | نوشته ‌شده به دست | ( نظرات )

 

یوم مبارک علی جمیع المسلمین،زواج الرسول الأکرم و نبی الأمه(ص)مع طیبة القلب و الذکر السیدة خدیجه(س)(کل عام و انتم بالف خیر).

 

 

بـجـهـنـم یـوم کـامــل طَـفَّـو الـنـار

و صوت الفرح متصاعد ضجیجه

 

اهل الجـنه تـنشد عـالجری و صـار

و کل صاحب غـده یسـأل صدیجـه

 

علی اهل الارض وَکَّر خیر مـاطـار

و رحمـه ادخـلت بـگبـور العـتـیجه

 

ساعـه و صـوت مِخبِر بـالفـلک دار

مُحَمَّدنَه(ص)تزوج وی خدیجه(س)

 

 

 

لفته الحموداوی

10ربیع الاول1437



ابوذیة من الصمیم
۱۳٩٤/٩/۳٠ ساعت ۳:٢٩ ‎ق.ظ | نوشته ‌شده به دست | ( نظرات )

خرس،اصمَخ،امگَرَّم مِنَّ أخی تاه...

ابـدرب ویـنـاب بـاگـو مِـنَّ أخَـیـتـه.

فِـزَّعـلـی و مـا تـعـذَّر  مِـن نِخـیتِه

و ثـلاث مـن اخـوتی هَـدَّو عـلیه.

 

 

لفته الحموداوی


برچسب‌ها: ابوذیات

الی محمد(ص)
۱۳٩٤/٩/۳٠ ساعت ۳:٢٦ ‎ق.ظ | نوشته ‌شده به دست | ( نظرات )

 

سهم الهواجس سرح...

و الگوس وتره انسحب.

 

سدد،رما،ما خطه...

لو خاطی چا ما تعب!

 

وصف الرأیته صعب.

الأصعب،علیَّ صعب!

 

حاولت اوصف النبی...

بس شیوصف العجب!

 

خایف اخل بالوصف...

ینزل علیَّ غضب.

 

ما یغضب ادری النبی.

بس ادری انا عنده رب...

 

الیَّ یزعل النبی(ص)...

ایعد لَه ذاتَ اللهب.

 

 

ایجازی مثل ما جزه...

ذیچ الی حملة حطب.

 

ما یربح ادری ابد...

چی ما غنا ما کسب.

 

واحد محمد(ص)،حرت!؟

لولا محمد(ص) شعب!؟

 

بکل بیت منه اسم...

کل قلم بسمه کتب.

 

لجله جزانه العدم.

للخلقه چان السبب.

 

من طین ادری نخلق...

بس بسمه لمعة ذهب!

 

عدوانه ما ذمته...

حباه من هب و دب.

 

 

اللاح و المو،هوی....

شخصک خلاف العنب.

 

الأمه ما سمته...

بسمک محمد ذنب.

 

الحبه شیخ افتخر...

الباری الک وجه حب.

 

المای اذا ینتخی...

بجاهک لظا چانه شب!

 

اسمک محمد(ص) بقی...

و الغیر اسمه انشطب.

 

 

 

 لفته الحموداوی

 

 

 

 



الهی...
۱۳٩٤/٩/٢٥ ساعت ٩:٥٩ ‎ب.ظ | نوشته ‌شده به دست | ( نظرات )

 

الهی...

اله الغاشیه و الطور...اله الکُم اله الغور...

احبنه و یحب غیری...و گلتله ارجاک ثم ارجاک گال اشبیک مو مجبور؟!

بس معذور...

اذا من حسن وجهه اتغار حتی الحور...

قسم بالخُنَس الکُنس کواعب بالجنان اهوای رادن منِّه وهلة نور...

اذا بسمه النبی اسرافیل بالمحشر صدح بالصور...

عَبَس ثم تولی ثم مات النور...

و الجبال سیرت و النجوم انکدرت و البحار سجرت...

هیچ احس بیه یصیر من وجه خلِّی یدور...

المیت روحه اترد لون من ضی حبیبی اشوای یسطع عالقبور...

غاب عن عینی ثوانی و رتلت یاسین وحصیت النذور...

حالی چن حال الروافض من تئن اعلی الظهور...

 

 

 

 

لفته الحیی قاسم الحموداوی

13صفر1436


برچسب‌ها: الشعر الحر

ابوذیه2
۱۳٩٤/٩/٢۳ ساعت ٥:۱۸ ‎ق.ظ | نوشته ‌شده به دست | ( نظرات )

 

-الی من لم یصن العلاقة الأخویه:

 

حـبـل الـصبـر گیـدنی من انفاک

حـلـیب امـک اطـلعَنَّـه من انفاک

لجلی الناس تحترمک من انفاک

و عـصاتک تنکسر تصفه بهبیه

 

 

 

2-ثنائاً لله علی مد ید العون لی :

 

بستر رشنی یربی ارجوک بالریش

بَر صـبری تـعرفـه الـنـاس بالریش

العَـلَی یرمون الـف وتطیـح بالریش

و یـســألـون و اگــول الله الـتـچـیـه

 

 

 

لفته الحموداوی


برچسب‌ها: ابوذیات

زهیری2
۱۳٩٤/٩/۱٧ ساعت ٥:٢۳ ‎ق.ظ | نوشته ‌شده به دست | ( نظرات )

مـا وَلِّـه غیـرک مُحِب گـلـبی عـلی لا وَلَک

صح غیره گتـله ولـک لا نَب علـی لا  وِلَک

چم سِر الک ضم  وِلَک چم فَم ولک لا وَّلَک

جـازیـتـه بَـردَه الــجــزه دَر الــحـجـر یابه دَر

مــیَــسَّر و الـف یـا هـلا لحظه عـلـی یابه دِر

ویــاک اخــذت الـگــلب،رد الــگـلب یابه دُر

مــا حــسَّبِت لـلــغرب تــصــفه ملک لا ولک

 

لفته الحموداوی

 


برچسب‌ها: زهیری

یا دین؟
۱۳٩٤/٩/۱۱ ساعت ۳:۱٥ ‎ق.ظ | نوشته ‌شده به دست | ( نظرات )

 

یا دین؟

 

 

عن یا دین تحچیلی ترید الحین؟

عن یا دین؟

عن الـ إس،یعنی اصمت لو علی الگول و تفضل یا بعد هالعین...

عن یا دین؟

 

عن لام الدرع تحچیلی لو عاللام نفسه و صاربوذی و ضیَّع الدالین؟

لو عالسام روحه و باعهه ابسوگ الغنی ابفلسین؟

عن یا دین؟

 

إس یا لام لا تحچی،دِ خَل صدری تخرگه اسهامهم یا لام معذورین...

باعونی بلاش اعضای بارض الدین...

قهری اعلی البلاش الماشبعهم زین...

عن یا دین؟

 

إس...

لام،اشجرالک عوف طروی الثار...

بالصدفه اسعروهه النار...

بالصدفه انقتل کرار...

بالصدفه انسبت نسوان...

و الله مو قصدهم چان...

ما رادور یموت احسین!

هسه احچیلی عن یا دین،تحچیلی ترید الحین؟

 

 

 

لفته الحموداوی

1435

 

 

*اللام:الدرع

*اس:اصمت

 




الـ
۱۳٩٤/٩/٦ ساعت ٩:۳۳ ‎ب.ظ | نوشته ‌شده به دست | ( نظرات )

 

(الـ)

 

 

الشیـله الـ بس شغلهه تغطی شعر الراس

اقـمـاش بـلا نـفـع مـا تنحسـب شـیله

 

الچـیـلـه الـما تـثـور بـیـوم ردم الماو

ابراس الشدهه الک لازم تحـط چیله

 

العیله اعلی التدرچه وداعتک منگود

العیله العالـیدرچـک تنـحســب عیـله

 

الـ لیله بـسهر یگضـی الـک و آهات

لــازم لـو یــون اتــونـلَّـه الــف لیـله

 

ابحیله الذیب عایش خایف من اللیث

لیش الما یخاف ایعیش یالحیله

 

الحیله اعلی اخوته و ملگاه للعدوان

لا یسلم عسی کون انهدم حیله

 

المیله من الرفاگه اغفرهه مره و شوف

لـو عــادوهــا یـعـنـی امــراد مـو مـیـله

 

القیله ایجوز تعدل مره الک و القال

بـس مــرات تــهــدم چــلــمـة الـقیله

 

الخـیله اتـغـیر عالباطل شبیه الریح

شـبـه الـریـح یـخـسر بالـبطل خیله

 

العیله الما تضم اسرارهه اعلی ایناب

بـیـهه ایـنـاب تـحـکـم هـای مـو عیله

 

الـچیله الـبیهه چـایل معـصم الشیطـان

زایـد بـیـهـه نـاگـص تلـگه هـل چـیله

 

الشیله المن زعل ما بیهه رده اتصیر

الـیـرد بـالـمـسـامـح شـلـه بـالـشـیـله

 

 

لفته الحموداوی

5جمادی الأول1436

 


برچسب‌ها: العرب الی این

شهداء بیت الله الحرام
۱۳٩٤/٧/۳ ساعت ۸:٤۳ ‎ب.ظ | نوشته ‌شده به دست | ( نظرات )

الی شهداء حج بیت الله الحرام:

 

هنیالک،مُحَّمَد(ص)یحضر التشییع

و تـمنَّت موتتـک کـل اهـل الگـبور

 خـلـیـل الله الیگلـک حـجکم مقبول

و اهل الجنة تهتـف سعیکم مشکور

 

لفته الحموداوی


برچسب‌ها: العرب الی این

عید الاضحی
۱۳٩٤/٧/۱ ساعت ۳:۱٥ ‎ب.ظ | نوشته ‌شده به دست | ( نظرات )

 

عید اضحی مبارک علی جمیع المسلمین

 

 

لا تنحر الشاة انـحر اذنوب البیک

و جـدد انـسـانیـتک بـعید الضحی

گـول الله ایـگول لـو گال الرسول

عوف گول انیوتن و نیچه و جحا

 

2

 

الـیـغـفـا یـم ایتـام یـدخـل للـجـنان

أسرع مـن الـحـدر بـیـت الله غـفـا

الیسـعی بیـن ایـتام ونـطاهم معون

أشرف من الیسعی بالمروه و صفا

 

 

لفته الحموداوی

ذو الحجة 1436


برچسب‌ها: العرب الی این

شعراه(منثوره)
۱۳٩٤/٦/٢٩ ساعت ٩:٠٢ ‎ب.ظ | نوشته ‌شده به دست | ( نظرات )

 

النـظـر مـن شع جبـینه بـلیل شعراه

همت من هب نسیم و طار  شعراه

"ولفــی افتَر"

"عَـلَـی گَـدَّر"

"سـهـم سطَّر"

"شِـبِـر شَـبَّر"

"فـلــا حــذَّر"

"رمه و گَنطَر"

"إجِّـه إتـعـذَّر"

"بِچِه و جَـبَّر"

"غدیت أشعَر"

غـدیت أشـعر وَگِل للنـاس شعراه

"وَگِـلـهُـم دَزِّه بـیـد افـلان لـیـه"

 

 

لفته الحموداوی


برچسب‌ها: ابوذیات

اید بید
۱۳٩٤/٦/٢۱ ساعت ۱٠:٥٥ ‎ب.ظ | نوشته ‌شده به دست | ( نظرات )

 

قصیدة اید بید-لفته الحموداوی

اید بید...

الدنیه حلوه...

بین حین و حین ننسه المستحی و معنی الستر...

 

اچفوف تنمد عالنهد

وشفاف عالخد تنطبع

و الزیج یهدَل و الشعر مرات ینزل عالمتن ونگول توبه و کل ذنبنه ینغفر...

 

ااااالله من زیجک هِدَل

                                      و الثوب ما کضّا المتن                 

و الخیط لاله بلا خجل و انهود صاحن للنظر وعیون دارن عالصدر...

 

اللیل نگضی بالسهر

باچر شَگِلِّه و شلبس و شحچیله وِنَّوُّم حلمنه ونسهر الحد الفجر...

 

الساعه خجلت من کثر ما عینی تبری(آ)الرگصة امتون العقارب

و آنه احس بکل دقیقه بیه واهس ینتحر...

 

من عَلَی تجبل احس بس انته اشوفک

کلشی مامش

یمنه محد

لاتگلی ننشهر...


نخجل من الشفه بالشفه اتلاگه و نلگه للشایف عذر...


الجنه شبرین اعلی صدرک تبعد و بین الصراطین الورد فوگ العبرهن یِنِّثر...

بیه واهس رشفة المرضع لون شفت الشفایف و النهد رافع رگبته ایصیح مارید اندثر...


اید بید...

الدنیه حلوه...

بین حین و حین ننسه المستحی و معنی الستر...

 

 

 

لفته الحیی قاسم الحموداوی

14ربیع الأول1436


برچسب‌ها: الشعر الحر

نام
۱۳٩٤/٦/۱۸ ساعت ٦:٥۱ ‎ب.ظ | نوشته ‌شده به دست | ( نظرات )

 

مقطوعة للطفل السوری الغریق البالغ ثلاثة سنوات(ایلان) الهارب من الحیاة لأحضان الموت خشیة من یدَّعون انهم خلفاء الله علی الأرض!

الطفل السوری الغریق ایلان الکردی

نـام یُـمَّـا وداعـة الله الـدنـیـه مـا تـسـوه سـهـر

طفی نور عیون عمرک وگعد بحضن الضلام

 

مچفی نایم لیش یُمَّا؟ارجـوک نام اعلی الظهر

الـذبج جـایِز یَ یُمَّا و نـومة الـمـچـفی حرام!

 

الرَمُّل خاف إیأذِّی وجهک،مالحَه چفوف البحر

الوجه مِسحَه بمای عینک وغلق ابواب الکلام

 

موج،صوتک حیل عالی و إبنی من صوتک طفر

روح انته امودَّع بالله و مُحَمَّد وآنه اوصُّلِه السلام

 

عالأقل مـو مـثـل الأصـغر(ع)انـتـه خلُّـولَـک نحر

ذاک ظـامـی و انـته شـابع مـای بس ناگص سِهام

 

نـام یُمَّا الـدنیـه زهـوه و سـاعـه ویـغـیـب الـگـمر

نـام لا یطـلــع نــهـارک یُـمَّـا بـالله ارجـوک نـام

 

 

لفته الحموداوی

 


برچسب‌ها: العرب الی این

ابوذیه-بیتآه
۱۳٩٤/٦/۱٥ ساعت ٦:۱٦ ‎ق.ظ | نوشته ‌شده به دست | ( نظرات )

بـنـیت مـن الـهـجر بجفاک بیتآه

و صرت مثل العَلِی مهدوم بیتآه

انـا ابـگـلـبـی دخـل خـیّـال بیتآه

شـجـاک و مـا تهـت نـص یـوم

3*بی تآه

 

لفته الحموداوی


برچسب‌ها: ابوذیات

ساعة افراگک سنه
۱۳٩٤/٦/۱۱ ساعت ٦:۳۸ ‎ب.ظ | نوشته ‌شده به دست | ( نظرات )

ساعة افراگک سنه

بین هسه و باچر ایشیب طفل


نشغَة المُغرَم غِنه

الدمعه للعاشگ هویِّه

المابچه تزویر عینه و مو اصل


احنه ما یخلَص دمعنه

مبچه میَّت عام دمعات الوشل


احنه لو خلص دمعنه

نشلع العین و جفنهه و نشتل الدمعه شتل


الیحب اهوای عالیهوی یلح

انته غیمه و عینی تنطر جیتک امناطر فلح

العاشگ المجروح یرضا بچمله من ولفه ولو بیهه ملح

گبل جیتک چان کل مشیی مَرِح

الله عنی ابمحکم اکتابه عِنِه

و هسه لا...

گمت من چلمة اشلونک انجرح!

لو ترد وبعمری ساعه اوداعتک ساعة هنه

ساعة افراگک سنه.

 

لفته الحموداوی


برچسب‌ها: الشعر الحر

مشتاق لک
۱۳٩٤/٦/۱۱ ساعت ٥:۱٦ ‎ق.ظ | نوشته ‌شده به دست | ( نظرات )

 

الشعر الشعبی الأهوازی

مشتاق لک


شوق الکحل للعین بوجوه الخجل

شوق الشفایف للشفه بساعة زعل

شوق المـگوطِر خِلِّه لِچلَم الغَزل

 

شوق المشط لمن یشم طرف الزلف

شوق اول احچایـة غزل لأول ولف

شوق الـغریـب الیلگه بالوادم عرف

 

شوق الشراع المنبرم لأرض الهوا

شوق الوحـید الـمختلی الچلمة سوه

شوق العـیون الــعمیه لِچلَم الضوه

 

شوق اول احچایات حب و اول همس

شوق الگمر لمــصافح اچفوف الشمس

شوق الغریـــج الکل مراده ایرد امس

 

شوق الندی البلگیض حـن اعلی الورد

مشــتاق لــک حــاول لــجــل عینی ترد

مشتاق تحچی اعلی الجمع عوف الفرد

 

 


لفته الحموداوی

22صفر 1436


برچسب‌ها: الشعر الحر

عندی ام
۱۳٩٤/٦/۳ ساعت ٦:٥٩ ‎ب.ظ | نوشته ‌شده به دست | ( نظرات )

 

الشعر الشعبی الأهوازی

عندی ام

لو عصرت الحنظل بدیهه من حلات اچفوهه اینگط شهد

عندی ام

طــاریــهــه مـن مـر عــالشرف مــرتین گــاملهـــه و گعد

عندی ام

تجــلس عـــلی اکـــتار الـــبتــول لــو وصــل یـــوم الوعد

عندی ام

مرکاضهه اویــه ارکــاض ابــوی لو علــــی الــعدوان هد

عندی ام

السـانهه امنسَّف کلــام و مــا تــعوف الــقــل هـــو الله احد

عندی ام

لو کلشی مامش ما یجیس العوز بیهه و ترخی اچفوف المدد

عندی ام

احدود حـطت لــلنفس محَّد جبـــرهه و ما خطت للیوم حد

عندی ام

لــو دنــیــه صـــارت ضـــد ابـــوی، تــنگلب للـــدنیه سـد

عندی ام

الکــون دنــگ بـــاس ادیهـــه و گلـــه الله اســــجد سـجد

عندی ام

صـیوان عـفــه و رفــه عــالی امــونِّه و ومــوگه ابــوتدد

عندی ام

لـو هـلـهـلت بـالــوید لــو حیــهم تنـخت حتی المثلم حصد

عندی ام

چلمتهه نشاب اتحذرَّ گوس فمهه اسهام لا یرمیهه برده بلاسدد

عندی ام

خطـار لـو یـونه اتـوانه ابـوجهه ابوی و تگره بعیونه العدد

عندی ام

لو گلهه یما اشلون یومچ حـتـی لـو ثکـله تـنب یوم السعد

عندی ام

الخـیر وکـر وی دعاها اعـلـی الـجـدر و الـکـَف شــرد

عندی ام

لو گالت الله اویاک یما اویای احس الله ایتمشه و یفگس اعیون الحسد

عندی ام

مامن مثلهه الکون و الحبهه و یضدهه ابطیب التملکه شهد

 

 

لفته الحموداوی

ربیع الثانی 1436


برچسب‌ها: الشعر الحر

التصفیق و التصفیع!
۱۳٩٤/٥/۳۱ ساعت ۱:٢۳ ‎ق.ظ | نوشته ‌شده به دست | ( نظرات )

 

بسم الرحیم المحمود

 


التصفیق و التصفیع!

 

فی مجتمعنا العربی الأهوازی عادةً اذا سمع احدنا دوی التصفیق له اخذ بالتجدیف بعکس مجری المیاه تعمداً حتی یصبح من المشاهیر مع الکثیر من الأسف کما قال البهلول لأبنه اذا اردت ان تصبح من ذوات السمعة اعمل سیئاً او فضلاً کبیرا ففی الحالتین تصبح من مشاهیر زمانک.

کما الحال مع اختنا الحبیبة "اخلاص طعمه سواری" فی مقالها الذی ظهر علی موقع تراث العرب و للأسف بدل التمجید المستحق للثقافة العربیة اخذت تتردی رداء الکمال کما الغیر و تتهجأ بالتقالید العربیة الموروثه فی مجتمعنا العربی الأصیل الذی جلَّ ما فیه نابع من الشریعة الأسلامیة الحمیده.

 

المقال یدور حول حضور الأب و الأخ(الذکور)فی زفاف ابنتهما.

 

رداً علی اختی الحبیبة اخلاص ففی مجتمعنا العربی "البداوة" لا تعنی الهمجیة بل تعنی السکن فی البادیة و لا یعنی التمدن الثقافة بل یعنی الأقتطان فی المدن بدلاً عن البادیة کما فی اللغة الرومانیة Cities""تعنی المدینة و المدن هی اماکن السکن الأجتماعی و لا تعنی الأرتقاء الثقافی الأجتماعی بل تعنی الأرتقاء المادی المحسوس فی المدن ویعلم الله ان کنتِ تعنی بکلامک"الحضارة"و هی وجهة النظر فی الحیاة ففی الحضارة الأروبیة المراة تعنی لهم الکائن الجمیل و استعماله للمتعة و فی الحضارة الأسلامیة المراة هی العرض و یجب ان یصان.

اما عدم حضور الأب و الأخ فی زفاف ابنتهما فی مجتمعنا العربی الأصیل لا یعنی الکره لها ابداً و الکل یعلم بأن بعد الزفاف بسبعة ایام اهل الزوج یقوموا بتقدیم ولیمة لأهل العروس و ذویها من عمامها و خوالها و یقدموا لها بحضورهم الهدایا و یبارکوا لها و بعد ذلک تکون الولیمة فی بیت اهل العروس و بذلک یتبین لنا ان کلامک یخلوا من النصح بالتعدیل فی الأمر و یحث علی البغض و الکره بین البنت و اهلها و الله یعلم ما فی الصدور و کما قال الرسول صلی الله علیه و علی آله و صحبه و سلَّم:

(الفتنة نائمة لعن الله من ایقظها)

فلسفة عدم حضور الأب و الأخ فی حفل الزفاف لأبنتهما لیس بداعی الخجل بل یعنوا بعدم حضورهم انک ایتها البنت او الأخت دخلت الی بیت آخر و استندتی برعیل آخر عنا من الأن فآمنی و تیقنی و استندی و تمجدی بهم کما بنا معهم و قد قال الله فی محکم کتابه:

(و جعلنا بینکم مودة و رحمة)

(و جعلـنا بـیـنکم میثاقا غلیظا)

و لا خوف علیها و لکن لشد الأزر و اعطاء الهدیة و المعونة و التبریک یجب الحذو علی الأب و الأخ لیس الّآ.

 

 

 

لفته الحموداوی


برچسب‌ها: العرب الی این

(عنصل المسخ)
۱۳٩٤/٥/۳٠ ساعت ۱٠:۱٧ ‎ب.ظ | نوشته ‌شده به دست | ( نظرات )

انتشرت اغنیه تحت عنوان"اهل نجد"و خلف المغنی راقصات یرقصنَّ و هنَّ مرتدیات الزی الرجولی العربی و متلثمات بالشماغ العربی.

#ویدعون انهم للعروبة اهلٌ

 


 

 

 

(عنصل المسخ)

 

 

تباً لکم یا عنــصل المـسخ یعراب

فیکم طـنایه مــن طنه عـزه والـلات


انتم هلَ الدف لیقرع جرس الحراب

و حنـه هَل الجـوده و متلـین الآیات


حنه هــَل العگل الرزینه و الأنساب

و انـتـم تـبـیــعٍ حــالـکــم لـلـمیایات


انتم شبه لأهل النسب کأنکم اسراب

و حنه علینه اهل النسب لیهه سایات


حـنـه هَـل الـعلــیــه معنگین الطناب

و انـتـم عبـیدٍ للجـواری الــطریـات


ول سِل عسی حل فالهواکـم یالجناب

یا الگابــعین ابنجد  یـا اهـل الردیات


اهل الحجاز انتم لکـم جـوف الهداب

میر انــی اری  فیکم شهـی لجنبیات


بیضٍ طـریاتٍ نـسـبـهن یــهـو هـاب

خـزمه و شعـاعـه لابسـاتـن عبـیّـات


ماهو ابذنی نطفة اروی یا هل الشاب

مو کل ذوات الـحسـن یـعنی ابدویات


العن بــو ذا الیسـعی علینه بالخراب

لا وفــق الله مـن سـعی نحـو الفلات


 

 

لفته الحیی قاسم الحموداوی



برچسب‌ها: العرب الی این, نبط

لو رجعتی...
۱۳٩٤/٥/٢۸ ساعت ٦:۳۱ ‎ب.ظ | نوشته ‌شده به دست | ( نظرات )

 

لو رجعتی...

 

بعینی تتبسم دمعتی

صفنة الشاعر عباده

الخاطرچ اگطع صفنتی

*****

تنبت بروحی سنابل

ترگص بشوفچ علی الحانی المناجل

ضحکة الخجلانه من طاری العرس تلبسهه شفتی

*****

چفوفی ما ترگص علی انغام الکبر

چفوفی رجفن من برد لیل الهجر

ترگص الشوفک رجفتی

*****

آنه من اهل الهوی

من البعد انفاسی یخنگهه الهوا

اعطش بچلمة اعوفک وروی من چلمة سوه

تدفن الدمعه ضحکتی

*****

کافی لحلوگ الشماته اطبخ عذر

روحی ما تهوی الستر

مشتهی اشفانه اتّلاگه و ننشهر

مشتهی بحضنچ اطش شوگی و عبرتی

*****

 

آنه شاعر

الناس سعرو نار بیه و ما صرت للیوم ساعر

عیبی ما اجرح مشاعر

للحقد ماطخ رگبتی

*****

آنه شمعه

احیه لو بجفونی دمعه

نشفو دمعة شمعتی

*****

عندی أمل

ینزع من فوگ گلبچ بالولع ثوب الزعل

و تدفع ادموع الفرح عالخد کحلتی

*****

 

لفته الحموداوی


برچسب‌ها: الشعر الحر

گیظ و عید
۱۳٩٤/٥/٢٠ ساعت ٦:٥۱ ‎ب.ظ | نوشته ‌شده به دست | ( نظرات )

 

گیظ و عید...

گیظ و غیم مامش و المطر ما لاح...

و احنه اسمال نلبس و الجهال اوکاح...

حگهم ما مشو حفای...

ما مره تعشو من عسرهم مای وشوی مای...

من چان المطر ما چنّه نلبس زین!

عن اهدومنه ایسألون؟

ونگلهم ابریسم ما نلبسه ابطین!

عیب انگول ما عدنه و نشوه صورة الفلاح...

امی تحوک من خیط النگابه اوشاح...

مو عدهه طوایج خام ومطلعه الصدر و الجید...

 

 

 

والله وداعة العباس...

بینه احنه الفقاره الدنیه شالت راس...

نسحگ شوک صح بس ما سحگنه احساس...

بصریفه و حاسدتنه الناس...

نتغطی ابَّعَضنه و ما غطانه اقماش...

الوساده ازنود اخوی و بشت ابوی افراش...

ونسی بحضن  امی رجفة اجویرید...

گیظ و عید...

 

 

 

شما صرنه نضل اطفال...

ونهم بالنشوفه و بالگلت و الگال...

الگال احنه لبسنه دمقس و دیباج شنگله لبسنه اسمال؟

یا خیال...

اخذنه ابعید...

اخذنه الدیره بیهه امطار...

حتی انضل و ابد ما نخرج من الدار!

لیش ابعید؟

گل للگال...

لیش انتم لبسکم هیچ،لیش اسمال؟

گله العید اجانه ابگیظ...

ما نلبس جدید ابسرعه خاف ایبید!

 

 

لفته الحموداوی

رمضان1436



امی
۱۳٩۳/۱٢/۱٧ ساعت ۱:۱٦ ‎ب.ظ | نوشته ‌شده به دست | ( نظرات )

فار دمی...
من سألنی!
تدری بالجنه شعرضها؟
گِتلِه طبعا.ً
آنه مانی انسان اُمی!
ادری بالجنه شکبرها...
شبر،گد چف ریل اُمی.


لفته الحموداوی
16جمادی الدول1436


برچسب‌ها: مسوده

الله اویاک
۱۳٩۳/۱٢/۱٥ ساعت ۱٢:٤٧ ‎ب.ظ | نوشته ‌شده به دست | ( نظرات )

گلََّک ذاک!
گِلِّه امیَسَّر الله اویاک.
آخر شی سمعته و قررت أنساک.
لا ترجع،أنا مافید!
آنه اویای واحد هسه مانی اوحید!
آنه اویای الله و انته ذاک اویاک.



لفته الحموداوی
15جمادی الأول1436
مسوده


برچسب‌ها: مسوده

لا تزعج الذیب
۱۳٩۳/۱٢/٩ ساعت ۱:٢٤ ‎ب.ظ | نوشته ‌شده به دست | ( نظرات )

لا تزعج الذیب


إن مِنـت گَـد الـذیب لا تزعج الذیب
یـجعَل عـَدُوَّه الـذیـب مـا بـیـن حِدَّه

لیضاگت الوسـعَه تـعنَّه الـمضاریب
اهـل الـکـرم لـلـتـضحـیـه مـسـتعده

لو تطلب الحاجات اطلب من هدیب
یـعطیـک کل رجـواک لـو دون یَدَّه

ما ینگل الـرجال فـی محـملـه عیب
لـو صلـبه مـن ظهر الأشاوس تَعَدَّه

الجـیر یـبـقی جـیـر دون المخالیب
و الـذیب دون انـیاب ذیـبـان بَـعدَه

عدنا صغیرٍ ساوَّه عگله الف شیب
و یَعطِی الحلول الصایبه الجدِ جَدَّه

ما یبره من خََش للرفاگه عذاریب
مـا یبره مَـن هـم الـرفـاگـه یـسعده

لو صاحبک دَنَّس مکانه بکـاذیب
عـِف اسمه مـن الأخـویَّه لا تِـعِـدِّه

لو دون خـلـگ الله جتک محاریب
لا تـنخه(ی)دون الله عوّان عَـبـدَه

لو عافک الـ لَه بالصمایم شراشیب
ثـق مـثـل مـا مِـجـزِر یـعاود بِـمَـدَّه

 

 

 

 

 

لفته الحیی قاسم الحموداوی
الأرشیف(نبط)


برچسب‌ها: نبط

یانای
۱۳٩۳/۱٢/٤ ساعت ٥:٢٢ ‎ب.ظ | نوشته ‌شده به دست | ( نظرات )

رعیل إعدای محنی الراس یانای

وبــنــهــد الــمــراکــل صــار یانای

بــســک،لــا تُِــوِن ارجـوک یانای

"یَـنـای اعــدای طـرادة سـراب"

 

 

 

لفته الحیی قاسم الحموداوی


برچسب‌ها: عتاب

هلی
۱۳٩۳/۱۱/۳٠ ساعت ۱۱:٠٤ ‎ق.ظ | نوشته ‌شده به دست | ( نظرات )

هلــی اهــل الیاهله و الیاه و اهل الجـود
هلی اســـتبرق لـــبسهـــم دمقس و دیباج

هلی الرفضو کــــدیشه و عــثرة المذعور
هلی الــــمــــارگــو خیل البلــوغه ترتاج

هلی حُبـــک الــنطاق و مـأمـن المطرود
هلی اسهــــیل الدلیل الراســی الوهـــاج

هلی اهــــل المــــطرِد الهَــشّام یوم الوید
هلی جفــن الیمـــانی المعصمه من العاج

هلی المـــبعوثهم یـــرتَی بـــخِـت بالنوگ
هلی العائف هلی القائف هلی اهل الـتاج

هلی الغـاراتهم نــسف السـفه اعلی الریح
هلی الــهــوجل الــماصَدِّه لـــمیع الصاج

هلی الجاشت اعــداهم یوم کـــر الــروس
هلی بـــجد الــــرکـــائـــب فتـــیُّهم دهّاج

هلی رتگ الــفـــتگ ، دلاص للحــــیزوم
هلی الشــلوه و اکــــمهه و غورها الدراج

هلی اهل الشاذری المرغــوب و الصهباء
هلی المخـــزی الــــشنیع ایطوفهم ما لاج

فـطـاحل عـالأنام اطغی علمهم
إبـراقـع عـالـبراق اعلَو علمهم
بهـلی الورعـان ما یَرَّو علمهم
بخوادی اطرادهم حد الضحی
 
 

 

 

 
لفته الحموداوی
28ربیع الثانی1436


برچسب‌ها: هباء, القصید

زهیری(ورد)
۱۳٩۳/۱۱/٢۸ ساعت ۸:٢۸ ‎ق.ظ | نوشته ‌شده به دست | ( نظرات )

احبـابی عگـب الهـجر مـرسـال منهم وُرَد

و مـبعـوثـهـم یـا هـَلـی مکتـوب رایـد وَرَد

شی گالو احچی شعر شی گالو ابعث وَرِد

و گالولی بـعـض الربع اوصـف ألم بُعدَهُم

و الـیـاس گـلـهـم ذبـل یـا صـاح مـن بَعدَهُم

إخبِـر ولیـفـی الـوکـت راوآ الـولـف بَعدَهَم

ولـدارهـم کـل مِـسِّه(اء)مرتیـن اوصل وَرِد

 

 

 

لفته الحیی قاسم الحموداوی

25ربیع الثانی1436


برچسب‌ها: زهیری

قصیدة صوتیه:اتذکرتکم
۱۳٩۳/۱۱/٢٢ ساعت ٧:۳٢ ‎ب.ظ | نوشته ‌شده به دست | ( نظرات )

قصیدة صوتیه:اتذکرتکم

الی من لا نستطیع نسیانهم

لفته الحموداوی

لتحمیل


برچسب‌ها: صوتیات, الشعر الحر

امیَسَّر انته...
۱۳٩۳/۱۱/٢٢ ساعت ٧:٢٠ ‎ب.ظ | نوشته ‌شده به دست | ( نظرات )

امیَسَّر انته...
آنه مو زعلان منک...
های قسمه...
الگذله ما تزعل لون یخرب شملهه بسیف نسمه...
المهم...
مرسومه فوگ اشفاک بسمه؟
هاک اخذ ویاک کل شی ایجوز انسی و ما اذکرک...
هاک عطرک...
اشلون تمشی بلا عطر بین البشر مو عطرک اعلی اثیابی عفته...
الخ...



 

 

 

لفته الحموداوی
12ربیع الأول1436


برچسب‌ها: الشعر الحر

 
نویسندگان
لینک دوستان
دیگر موارد